Að sækja um kröfufjármögnun

Ef þú ert með aðgang að þjónustuvefnum þá er einfalt mál að sækja um kröfufjármögnun. Á upphafssíðu vefsins, Kröfur, má sjá yfirlit yfir reikninga sem þú hefur stofnað í heimabanka og getur valið hverja þú vilt fjármagna. Í kjölfar þess að þú óskar eftir fjármögnun, þá sendum við þér tilboð að jafnaði innan sólarhrings. Ef þú samþykkir tilboðið færðu umrædda fjárhæð greidda strax inn á reikning til þín.

• (1) Upphafssíðan Kröfur er valin, en þar má sjá yfirlit yfir alla reikninga sem þú hefur stofnað í heimabankanum.
• (2) Veldu úr listanum hvaða kröfur þú vilt fjármagna með Bæta við hnappnum. Ef þú vilt hætta við þá veljið Fjarlægja.
• (3) Jafnóðum og þú velur kröfur birtist samtala þeirra fyrir ofan yfirlitið.</li/>
• (4) Til að stofna umsóknina skaltu velja Fjármagna hnappinn. Þá birtist gluggi með samantekt á umsókninni, sem þarf að staðfesta.
• Þegar starfsfólk okkar hefur yfirfarið umsóknina færðu tölvupóst með tilboði í umsóknina.

Umsóknir

Á síðunni Umsóknir hefur yfirlit yfir þínar umsóknir. Viðskiptastjórar ásamt lánanefnd taka umsóknina til skoðunar og senda þér tilboð. Þú ferð á sama stað inn á umsóknina til þess að skoða tilboðið og getur hafnað eða samþykkt eftir atvikum.

• (1) Síðan Umsóknir er valin.
• (2) Hægt er að velja á milli þess að skoða umsóknir sem eru í vinnslu eða sem hafa verið samþykktar.
• (3) Taflan birtir yfirlit yfir umsóknir og er hægt að smella á auðkenni (id) hverjar þeirra til að fá nánari upplýsingar.
• (4) Inn á upplýsingasíðu fyrir umsóknina er hægt að sjá hvaða reikningar tilheyra henni.
• (5) Ef þú vilt draga umsóknina til baka þá er hægt að gera það hér á síðunni, eða með því að afþakka tilboðið sem við sendum þér.

Fjármagnanir

• (1) Hér hefur þú yfirsýn yfir útistandandi fjármagnanir. Með auðveldum hætti er hægt að afmarka sýn við uppgerðar eða óuppgerðar fjármagnanir.
• (2) Hægt er að smella á auðkenni (id) hverrar fjármögnunar til þess að skoða nánar.

Gjaldfallnir reikningar

• (1) Í þessu tilviki eru einhverjar kröfur komnar yfir eindaga og þá getur Motus tekið nýjustu umsóknina upp í gjaldfallnar kröfur, sem hafa verið fjármagnaðar. Þegar sá peningur greiðist gengur hann beint upp í skuld við eldri ógreiddar kröfur. Þú færð því aðeins greiðslu sé upphæð umsóknar hærri en skuld við Motus.
• (2) Sé valið „Vinsamlegast ekki endurfjármagna með þessari umsókn“, þá verður umsóknin yfirfarin og haft samband við þig. Motus fjármögnun áskilur sér rétt til að endurfjármagna kröfu þó beðið sé um annað. Þú hefur þó alltaf síðasta orðið með því að samþykkja eða hafna umsókn.

Endurgreiðsla

Á síðunni Kröfur undir liðnum „Krefst þinnar athygli“ má sjá útistandandi ógreiddar fjármagnanir, sem eru komnar fram yfir eindaga eða nálgast hann.

Þannig hefur þú möguleika á því að borga til baka þær kröfur sem hafa verið fjármagnaðar en eru ógreiddar af skuldara. Með því að velja kröfu úr listanum og smella á „Endurgreiða“, verður til krafa í netbanka hjá þér fyrir eftirstöðvunum.

• (1) Þú velur úr listanum hvaða þú vilt endurgreiða með því að velja Bæta við hnappinn.
• (2) Jafnóðum og þú velur kröfur birtist samtala þeirra fyrir ofan yfirlitið.
• (3) Veljið Endurgreiða og opnast þá nýr gluggi
• (4) Þegar Staðfesta hnappurinn er valinn, stofnast krafa í netbanka eftir um 15 mínútur.