23. des: LOKAÐ
24. des: LOKAÐ
25. des: LOKAÐ
26. des: LOKAÐ
29. des: 10-15
30. des: 10-15
31. des: LOKAÐ
1. jan: LOKAÐ
2. jan: 10-15

Við óskum ykkur ljóss of friðar yfir hátíðarnar og minnum á þjónustuvefi okkar fyrir kröfuhafa og greiðendur. Þar má alltaf sjá upplýsingar um stöðu mála, greiða og semja um greiðslu.

The post Opnunartímar yfir hátíðarnar appeared first on Motus.

Við minnum sömuleiðis á þjónustuvefi okkar fyrir kröfuhafa og greiðendur þar sem hægt er að sjá upplýsingar um stöðu mála, greiða og semja um greiðslu innheimtumála.

The post Lokað vegna veðurs frá hádegi í dag appeared first on Motus.

Við minnum á þjónustuvefi okkar fyrir kröfuhafa og greiðendur þar sem hægt er að sjá upplýsingar um stöðu mála, greiða og semja um greiðslu innheimtumála.

The post Afgreiðsla, sími og netspjall lokar kl. 12.30 fimmtudaginn 30. október appeared first on Motus.

María Björk Einarsdóttir, forstjóri Símans:

„Með kaupunum nýtum við styrkleika félaganna í vöruframboði, innviðum og viðskiptasamböndum til að skapa enn meira virði fyrir viðskiptavini okkar og hluthafa. GMÍ býr að traustum vörumerkjum, rótgrónum viðskiptasamböndum og öflugu starfsfólki sem hefur verið í stöðugri nýsköpun síðustu misseri, líkt og við þekkjum vel hjá Símanum.

Árangur GMÍ við að þróa stafrænar lausnir og þjónustu fyrir fjármálaferla fyrirtækja á margt sammerkt með þeirri vegferð sem fjártækniarmur Símans hefur verið á síðustu ár. Þá búa bæði félög yfir stafrænum greiðslu- og lánalausnum í fremstu röð.

Næstu misseri ætlum við að nýta sterka fjárhagsstöðu Símans til að efla starfsemina enn frekar, bæði með innri og ytri vexti. Kaupin eru mikilvægt skref á þeirri leið og sýna í verki trú okkar á áframhaldandi sókn á sviði fjártækni.“

Brynja Baldursdóttir, forstjóri Greiðslumiðlunar Íslands:

„Við hlökkum til að ganga til liðs við samstæðu Símans og erum sannfærð um að það muni skila viðskiptavinum beggja félaga miklum ávinningi. Greiðslumiðlun Íslands er öflugt fjártæknifyrirtæki sem hefur byggt upp sterka innviði og víðtæka þekkingu til að efla nýsköpun og vöruþróun í greininni. Viðskiptavinir okkar hafa þegar notið góðs af nýjungum sem kynntar hafa verið á síðustu mánuðum, og við ætlum að halda áfram af krafti á þeirri vegferð.

Síminn hefur á sama tíma þróað spennandi fjártæknilausnir og sýnt mikinn metnað til vaxtar á því sviði. Við sjáum fram á fjölmörg tækifæri beggja fyrirtækja til að sækja fram og styðja við áframhaldandi framþróun á íslenskum fjártæknimarkaði.”

Tilkynning Símans um kaupin

The post Síminn kaupir Greiðslumiðlun Íslands appeared first on Motus.

Viðurkenningar voru veittar til 90 fyrirtækja, 22 opinberra aðila og 16 sveitarfélaga úr hópi þeirra 253 þátttakenda sem hafa undirritað viljayfirlýsingu. Markmið Jafnvægisvogar um 40/60 kynjahlutfall í efsta stjórnendalagi var haft til hliðsjónar við matið. Stór hluti þeirra þátttakenda sem hafa skrifað undir viljayfirlýsingu Jafnvægisvogarinnar hafa náð góðum árangri á þessu sviði.

„Það gleður mig mjög að taka við viðurkenningu Jafnvægisvogar FKA fyrir hönd Motus. Mín reynsla er að jafnrétti er ákvörðun sem skilar árangri í rekstri fyrirtækja. Jafnrétti er ekki átak heldur langtímaverkefni og ég er þakklát FKA fyrir að halda áfram að vekja athygli á því sem vel er gert og hvetja atvinnulífið áfram á jafnréttisvegferðinni”, segir Brynja Baldursdóttir forstjóri Motus.

Að hreyfiaflsverkefninu standa, auk FKA, dómsmálaráðuneytið, Creditinfo, Deloitte, Pipar\TBWA, Ríkisútvarpið, Samtök fyrirtækja í sjávarútvegi og Sjóvá. Allar helstu upplýsingar um verkefnið má finna á vef verkefnisins: https://www.fka.is/verkefni/jafnvaegisvogin

The post Motus hlýtur viðurkenningu Jafnvægisvogar FKA 2025 appeared first on Motus.

Arnar Steinn kemur til Motus frá Arion banka, þar sem hann starfaði á fyrirtækjasviði, en áður starfaði hann hjá Valitor. Hann er með BS gráðu í viðskiptafræði frá Háskólanum í Reykjavík og Meistaragráðu í fjármálum frá sama skóla.

Áður en Ásta kom til Motus starfaði hún sem sölu-, þjónustu- og markaðsstjóri hjá Feel Iceland, en þar áður starfaði hún sem vörumerkjastjóri hjá Bioeffect og framkvæmdastjóri ÍMARK. Hún er með BS gráðu í viðskiptafræði frá Háskóla Íslands og Meistaragráðu í verkefnastjórnun frá Háskólanum í Reykjavík.

Gylfi var viðskiptastjóri hjá Valitor áður en hann kom til Motus. Hann er með BS gráðu í viðskiptafræði frá Háskólanum í Reykjavík.

Við leggjum mikla áherslu á góða þjónustu og samskipti við viðskiptavini, meðal annars með því að vinna með þeim að því að finna bestu leiðirnar til að ná þeirra markmiðum í kröfustýringu. Öflugir viðskiptastjórar leika lykilhlutverk í þeirri vinnu og við bjóðum þau Arnar, Ástu og Gylfa hjartanlega velkomin í teymið.

The post Gylfi, Ásta og Arnar Steinn nýir viðskiptastjórar appeared first on Motus.

Margrét Anna er með BS gráðu í viðskiptastjórnun og tölvunarfræði frá Háskólanum í Reykjavík. Hún kemur til Motus frá Controlant, þar sem hún starfaði í viðskiptaþróun, en þar áður starfaði hún við viðskiptagreiningu hjá Marel.

Sóley er með BA gráðu og diplóma í vöruhönnun og kennslufræði frá Listaháskóla Íslands. Hún kemur einnig til Motus frá Controlant, þar sem hún hafði starfað í á þriðja ár, síðast rekstrarstjóri vöruþróunarsviðs. Þar áður hafði Sóley starfað um tíu ára skeið hjá Bioeffect sem hönnunarstjóri og vörustjóri. Sóley situr einnig í fagráði Tækniþróunarsjóðs og hefur gert frá árinu 2021.

Við erum afar lánsöm að hafa fengið þær Sóleyju og Margréti til liðs við okkur. Við leggjum alltaf mikla áherslu á góða þjónustu og samskipti við viðskiptavini og höfum verið að fjölga vörutegundum okkar með það í huga. Til að breyta góðri hugmynd í vöru sem mætir þörfum viðskiptavinarins og hjálpar honum við að koma sínum málum í réttan farveg þarf öfluga vörustjóra eins og Sóleyju og Margréti. Við bjóðum þær hjartanlega velkomnar í teymið.

The post Margrét Anna og Sóley nýir vörustjórar appeared first on Motus.

Tryggvi er doktor í tölfræði frá Danmarks Tekniske Universitet með reynslu af hagnýtingu gagna, þróun gagnakerfa og hugbúnaðarþróun, bæði hjá stórum félögum og úr nýsköpun. Áður en hann hóf störf hjá Motus starfaði hann á sjötta ár hjá Marel, en þar áður starfaði hann hjá Arion banka, Meniga og sinnti kennslu í Háskólanum í Reykjavík.

Rúnar er stærðfræðingur með mastersgráðu í stjórnun og stefnumótun frá Universitat Pompeu Fabra í Barcelona. Hann er með mikla reynslu af vörustýringu, nýsköpun og stjórnun og starfaði m.a. hjá Símanum og Marel áður en hann gekk til liðs við Motus. Hjá Marel leiddi hann vöruþróunarsvið hér á Íslandi, Danmörku og í Bretlandi sem unnu á breiðum grunni tækni við þróun búnaðar.

Það er mikill fengur fyrir okkur að fá þá Tryggva og Rúnar til liðs við okkur. Við höfum lagt mikla áherslu á nýsköpun og tækniþróun síðustu misseri með það að markmiði að þjónusta viðskiptavini okkar enn betur og aðstoða þá við að koma sínum málum í réttan farveg.  Tryggvi og Rúnar hafa þegar sett sitt mark á þessa vinnu og við bjóðum þá velkomna í hópinn.

The post Rúnar Skúli og Tryggvi nýir forstöðumenn appeared first on Motus.

„Það var mér sönn ánægja að taka á móti viðurkenningu Jafnvægisvogar FKA fyrir hönd Motus í dag, en viðurkenninguna fá þau fyrirtæki sem eru með jafnt kynjahlutfall í framkvæmdastjórnum sínum. Jafnrétti er ákvörðun en mín reynsla er sú að jafnvel þó ákvörðunin sé hreinlega að reka gott fyrirtæki þá er jafnrétti ein af bestu leiðunum til þess. Fjölbreyttur og vel samsettur hópur er það sem lætur töfrana gerast,” segir Brynja Baldursdóttir forstjóri Motus.

Að hreyfiaflsverkefninu standa auk FKA, félags- og vinnumarkaðsráðuneytið, Creditinfo, Deloitte, Pipar\TBWA, Ríkisútvarpið, Samtök fyrirtækja í sjávarútvegi og Sjóvá. Allar helstu upplýsingar um verkefnið má finna á vef verkefnisins: https://www.fka.is/verkefni/jafnvaegisvogin

The post Motus hlýtur viðurkenningu Jafnvægisvogar FKA 2024 appeared first on Motus.

• Leiðtogi í gagnavísindum / Lead Data Scientist
• Lausnahönnuður gagna / Solution Architect Data
• Sérfræðingur í viðskiptagreiningu / Business Analyst

Við leitum jafnframt að metnaðarfullum og skapandi leiðtogum sem brenna fyrir stafrænni vöruþróun og verkefnastýringu. Þið hafið reynslu og metnað á sviði vöru- eða verkefnastýringar, eruð viðskiptavinamiðuð og hafið skilning á hvernig gögn munu knýja framtíð fjármálaþjónustu. Þið eigið það sameiginlegt að hafa brennandi áhuga á að hafa áhrif á umhverfi ykkar og samfélagið og eruð leiðtogar á ykkar sviði.

• Leiðtogi verkefna / Project Leader
• Vörueigandi / Product Owner
• Hugbúnaðarsérfræðingur / Software Developer

Motus er leiðandi fyrirtæki á sviði kröfuþjónustu. Hér er fjölbreyttur hópur fólks sem leggur sig fram um að starfa af heilindum og fagmennsku þar sem jafnrétti, jákvæð samskipti og gagnkvæm virðing eru grundvöllur starfsseminnar. Við gætum fyllsta trúnaðar við vinnslu starfsumsókna og persónuupplýsinga. Allar frekari upplýsingar um störfin og umsóknarfresti má finna hér.

The post Við erum að styrkja raðirnar appeared first on Motus.