Fáist krafa ekki greidd þrátt fyrir innheimtuviðvörun fer hún oftast í milliinnheimtu. Í milliinnheimtu sendir Motus allt að þrjár áminningar á um það bil 10 daga fresti, þar sem greiðandi er minntur á að standa skil á skuldinni.

Innheimtubréf eru send með tölvupósti hafi greiðandi óskað eftir því en að öðrum kosti er bréfið sent með bréfpósti. Ef aðili er ekki með skráð lögheimili eða bréfpóstur hefur verið endursendur þá fer skjalið í heimabanka viðkomandi.