Skilvirk innheimta og góð yfirsýn mála

Við bjóðum heildstæða þjónustu sem byggir á reynslu og þekkingu sérfræðinga okkar og öflugum stafrænum lausnum. Þú getur treyst okkur til að stuðla að betra flæði fjármagns svo þú getir einbeitt þér að því að efla reksturinn.

Komdu í viðskipti

Kostir þess að vera með innheimtuna hjá Motus

Stafræn innheimta

 

Í boði er að senda innheimtubréf með stafrænum hætti sem hefur mikla kosti í formi hraðari og áhrifaríkari samskipta, auk þess að vera umhverfisvænni kostur. Sömuleiðis notum við sms og rafræn skjöl í heimabanka, allt eftir því hvað á við hverju sinni. Meira um stafræna innheimtu

Samþætting við bókhaldskerfi

 

Við bjóðum samþættingu við öll helstu bókhaldskerfi. Þannig má senda kröfuskrár og greiðsluskrár beint í bókhaldskerfi þíns fyrirtækis og framkvæma helstu aðgerðir þar.

Góð yfirsýn og þú stjórnar ferðinni

 

Þú hefur góða sýn yfir stöðu þín félags á þjónustuvefnum þar sem hægt er að framkvæma helstu aðgerðir, til dæmis að fresta máli eða afturkalla. Einnig er hægt að nálgast gögn vegna uppgjör mála og ítarlegar greiningar.

Öflug greiðendaþjónusta

 

Góðir innheimtuhættir eru leiðarljós í samskiptum okkar við viðskiptavini þína. Greiðendur geta nálgast upplýsingar um sín mál, óskað eftir fresti eða dreift greiðslum á Mínum síðum eða leitað til þjónustu okkar.

Dæmigert innheimtuferli

Við tengjumst viðskiptabanka ykkar þannig að kröfur sem ekki greiðast á eindaga berast til Motus sjálfkrafa. Þá tekur við innheimtuferli eins og það sem sýnt er á myndinni þar sem áminning er send 5 dögum eftir eindaga í ykkar nafni. Ef það ber ekki árangur er málinu fylgt eftir með allt að þremur áminningum frá Motus. Sé krafan áfram ógreidd fer fram mat á því hvort hún skuli fara í löginnheimtu eða fylgt eftir með kröfuvakt.

Mynd af hefðbundnu innheimtuferli

Fruminnheimta

Fruminnheimta felur í sér útsendingu innheimtuviðvörunar í samræmi við innheimtulög. Alla jafna sendir Motus viðvörunina út í nafni kröfuhafa og um 3-5 dögum eftir eindaga en það getur þó verið breytilegt.

Tilkynningin er send með tölvupósti hafi greiðandi óskað eftir því en að öðrum kosti er bréfið sent með bréfpósti. Ef aðili er ekki með skráð lögheimili eða bréfpóstur hefur verið endursendur þá fer skjalið í heimabanka viðkomandi.

Löginnheimta

Mál sem farið hafa í gegnum frum- og milliinnheimtu hjá Motus án árangurs er alla jafna vísað áfram í löginnheimtu. Með löginnheimtu er átt við aðgerðir þar sem réttarfarslegum úrræðum er beitt, til að mynda málshöfðun fyrir dómi og fullnustugerðum hjá sýslumanni. Löginnheimta er framkvæmd af lögmönnum og um hana gilda lögmannalög nr. 77/1998. Samstarfsaðili Motus er varðar mál sem fara í löginnheimtu er Lögheimtan. Hjá Lögheimtunni starfa reyndir lögmenn sem tryggja faglega meðferð innheimtumála og er þjónustan þannig hluti af þeirri heildarlausn sem Motus býður viðskiptavinum sínum í kröfuþjónustu. Kröfuhafi þarf að veita samþykki sitt áður en mál fara í löginnheimtu.

Kröfuvakt

Í kröfuvakt Motus vinnum við á markvissan hátt að því að innheimta kröfur, sér í lagi lágar upphæðir, sem hafa farið árangurslaust í gegnum milliinnheimtu eða löginnheimtu og væru annars afskrifaðar. Þannig er fylgst með breytingum á greiðsluhegðun aðila sem eru með ógreidda reikninga með því að afla vanskilaupplýsinga úr skrám Creditinfo, en slíkt getur haft áhrif á lánshæfismat og því hagur viðkomandi að ganga frá sínum málum.

Mál flytjast sjálfkrafa í kröfuvakt og er einungis greidd þóknun ef málið innheimtist en ekki fyrir vöktunina. Auk þess að vakta kröfurnar sjáum við um alla umsýslu tengda þeim, eins og að senda ítrekanir, gera greiðslusamkomulag og meta andmæli.

Millilandainnheimta

Motus annast ekki innheimtu mála erlendis en bendir viðskiptavinum sínum á að hafa samband við TCM.

Innheimtan er í traustum farvegi hjá Motus

„Frábær þjónusta er það sem einkennir Motus einna helst í mínum huga. Við þurfum lítið að gera eftir að við höfum keyrt reikninga okkar megin. Þetta gengur algjörlega eins og smurð vél. Þjónustan er persónuleg og sniðin að rekstri fyrirtækisins. Starfsfólkið spilar þarna stóran part og mikil þekking býr þar að baki.“

Anna Lára Sigurðardóttir, forstöðumaður fjármála- og rekstrarsviðs Creditinfo

Fréttir og fræðsla

Verðskrá

Þessi vefsíða notar vafrakökur

Lesa um notkun á vafrakökum
Stillingar Samþykkja notkun