Skilvirk innheimta og góð yfirsýn mála

Fruminnheimta felur í sér útsendingu innheimtuviðvörunar í samræmi við innheimtulög. Alla jafna sendir Motus viðvörunina út í nafni kröfuhafa og um 3-5 dögum eftir eindaga en það getur þó verið breytilegt.

Fáist krafa ekki greidd þrátt fyrir innheimtuviðvörun fer hún í milliinnheimtu. Í milliinnheimtu sendir Motus allt að þrjú innheimtubréf á 10 daga fresti, þar sem greiðandi er minntur á að standa skil á skuldinni.

Við sendum áminningar í tölvupósti hafi greiðandi samþykkt það en að öðrum kosti er sendur bréfpóstur. Ef aðili er ekki með skráð lögheimili eða bréfpóstur hefur verið endursendur þá fer skjal í netbanka viðkomandi. Sömuleiðis er sent skjal í netbanka ef tölvupóstur er endursendur.

→ Sjá ítarlega umfjöllun um frum- og milliiinheimtu.

→ Gjaldskrá innheimtu

Að frum- og milliinnheimta fullreyndri er metið hvort mál skuli fara í löginnheimtu. Með löginnheimtu er átt við aðgerðir þar sem réttarfarslegum úrræðum er beitt, til að mynda málshöfðun fyrir dómi eða aðfaraaðgerðum eins og fjárnámi, kyrrsetning eigna eða nauðungarsölu.

Löginnheimta er framkvæmd af lögmönnum og um hana gilda lögmannalög nr. 77/1998. Samstarfsaðili Motus er varðar mál í löginnheimtu er Lögheimtan en þar starfa reyndir lögmenn sem tryggja faglega meðferð innheimtumála og er þjónustan hluti af þeirri heildarlausn sem Motus býður viðskiptavinum sínum í kröfuþjónustu.

Hvaða mál fara í löginnheimtu?
Mikið unnið fyrir alla að meta vandlega hvort lögheimta er líkleg til árangurs þar sem um kostnaðarsamt og tímafrekt ferli er um að ræða. Kröfuhafi þarf að veita samþykki sitt á viðskiptavefnum áður en mál fara í löginnheimtu.

Motus notar tölfræðilíkan, ákvarðanatré og viðmiðunarupphæð til grundvallar ákvörðun um næstu skref í innheimtu. Spáð er fyrir um greiðslulíkur á næstu 13 mánuðum í málum sem ekki hafa innheimst í frum- og milliinnheimtu. Horft er til atriða eins og fjölda mála í innheimtu og alvarleika þeirra, og hvort viðkomandi sé með eða hafi verið með mál á vanskilaskrá. Einnig hvort um lögveð sé að ræða, fyrirliggjandi gjaldþrot og upphæð skuldarinnar. Motus annast innheimtu fyrir um 1500 félög og því mikið magn gagna sem liggur til grundvallar líkaninu sem notast er við en slíkt eykur spágetu þess.

Almennt má segja að kröfur þar sem talið er að nægar líkur séu á árangri og ef um háar upphæðir er að ræða þá sé mælt með löginnheimtu en kröfuvakt fyrir lægri upphæðir og þar sem greiðslulíkur eru minni.

→ Frekari umfjöllun um löginnheimtu

Þegar mál hafa farið í gegnum frum- og milliinnheimtu er metið hvort málið skuli halda áfram í löginnheimtu eða fara í kröfuvakt. Almennt má segja að kröfur þar sem talið er að nægar líkur séu á árangri og ef um háar upphæðir er að ræða þá sé mælt með löginnheimtu en kröfuvakt fyrir lægri upphæðir og þar sem greiðslíkur eru minni.

Í kröfuvakt Motus vinnum við á markvissan hátt að því að innheimta kröfur, sér í lagi lágar upphæðir, sem hafa farið árangurslaust í gegnum milliinnheimtu eða löginnheimtu og væru annars afskrifaðar. Þannig er fylgst með breytingum á greiðsluhegðun aðila sem eru með ógreidda reikninga með því að afla vanskilaupplýsinga úr skrám Creditinfo, en slíkt getur haft áhrif á lánshæfismat og því hagur viðkomandi að ganga frá sínum málum.

Mál flytjast sjálfkrafa í kröfuvakt og er einungis greidd þóknun ef málið innheimtist en ekki fyrir vöktunina. Auk þess að vakta kröfurnar sjáum við um alla umsýslu tengda þeim, eins og að senda ítrekanir, gera greiðslusamkomulag og meta andmæli.

Ítrekanir eru sendar með tölvupósti. Ef netfang greiðanda er ekki til staðar er sent skjal í netbanka.