Viðskiptavinir Motus og Lögheimtunnar hafa aðgang að þjónustuvef þar sem hægt er að fylgjast með framgangi mála í innheimtu. Við höfum tekið saman kynningu varðandi notkun vefsins.
Á forsíðunni er samandregið yfirlit yfir kröfur sem félagið er með í innheimtu, fjölda og fjárhæð eftir innheimtustigi. Einnig má sjá ef þín bíða skilaboð og ef samþykkja þarf mál í löginnheimtu. Á síðunni Mál í innheimtu > Öll innheimtumál er svo yfirlit ásamt öflugri leit sem nota má til að afmarka listann.
Það eru tvær leiðir til að skoða innheimtumál á vefnum: með því að nota leitina eða velja mál af síðunni Í innheimtu > Öll mál í innheimtu. Hægt er að sjá ítarlegar upplýsingar um málið, fyrri aðgerðir og hvað sé framundan, innborganir og fleira. Einnig er hægt að fresta máli, afturkalla eða tilkynna innborgun.
Þú hefur val um að fá senda tilkynningu ef þín bíða skilaboð á vefnum. Til að virkja þennan möguleika þarftu að velja Umsjónarsíður úr aðalvalmyndinni og því næst Tilkynningarstillingar. Ef þú vilt fá tölvupóst með tilkynningu um að beðið sé eftir samþykki þínu fyrir löginnheimtu þá vinsamlega sendu beiðni á motus@motus.is.