Kröfustýring
Stöðugleiki í rekstri er ómetanlegur
Meiri stöðugleiki og jafnara tekjuflæði
Ef krafan greiðist ekki á eindaga getum við séð um innheimtu hennar fyrir þig. Í því felst meðal annars að koma á sambandi við viðskiptavin þinn, taka á móti greiðslum og gera samkomulag um greiðsludreifingu, allt eftir því hvað á við í hverju tilfelli. Ef krafan greiðist ekki í frum- og milliinnheimtu er í mörgum tilvikum ástæða til að senda hana í löginnheimtu, en í því felst meðal annars að leitað er atbeina dómstóla og sýslumanna.
Ef innheimtutilraunir bera ekki árangur er kominn grundvöllur til afskriftar krafna í bókhaldi. Þá er hægt að halda innheimtu þeirra áfram í kröfuvakt. Þar fylgjumst við með kröfunni og höldum sambandi við viðskiptavininn til að ná fram efndum skuldbindingarinnar, án þess að skaða viðskiptasambandið.
Þegar krafa fer í innheimtu er greiðandi minntur á að standa skil á greiðslunni með útsendingu bréfa og með símhringingum. Motus vill mæta greiðendum þar sem þeim hentar best og býður því upp á samskipti með tölvupósti.
Skilvirkari innheimta með Motus
„Við höfum átt langt og farsælt samstarf við Motus sem einkennist af mikilli fagmennsku, þekkingu á viðfangsefninu og þjónustuvilja starfsmanna félagsins. Með nýja þjónustuvefnum erum við með góða yfirsýn yfir þau mál sem eru í innheimtu hverju sinni; stöðu þeirra, samskipti við Motus og samskipti Motus og greiðenda. Þannig náum við auðveldlega heildarsýn yfir innheimtuna og eigum auðveldara með að meta stöðuna. Frá því við fórum að nýta okkur þjónustu Motus hefur innheimtan orðið mun skilvirkari og skil á kröfum marktækt betri. Við mælum heilshugar með Motus og höfum mætt þar fagmennsku, trausti og mikilli þjónustulund.“
Hulda Júlíana Jónsdóttir, framkvæmdastjóri rekstrarsviðs BYKO